Партиските лидери утре за уставни измени

Лидерска средба на која ќе се разговара за уставните измени во делот на Судскиот совет ќе се одржи утре.
На средбата што ја свика премиерот и лидер на ВМРО ДПМНЕ Никола Груевски учество досега потврдија лидерот на опозициската партија СДСМ Бранко Црвенковски и на владеачката ДУИ, Али Ахмети.
Премиерот Груевски деновиве го отфрли тврдењето на опозицијата дека лидерската средба за уставните промени била на иницијатива на меѓународниот фактор.
„Иницијативата е стара и жалам што во минатото немаше поддршка, но сега имам чувство дека поддршката е поголема и се надевам дека ќе се најде заеднички слух за да се реши ова прашање“, изјави Груевски.