Васко Наумовски се сретна со италијанскиот министер за надворешни работи Фратини

Вицепремиерот задолжен за европски прашања Васко Наумовски во рамки на работната посета на Италија вчера се сретна со министерот за надворешни работи Франко Фратини и со министерот за внатрешни работи Роберто Марони.
Наумовски, како што денеска соопшти Секретаријатот за европски прашања, имал средби и со претседателот на Комисијата за европска политика Лучиана Болди и со претседателот на Комисијата за надворешни работи во италијанскиот Парламент, Стефано Стефани.
На средбите вицепремиерот Наумовски ги презентирал реформите кои се спроведуваат за исполнување на критериумите за членство во Европската унија и цврстата определба на македонската Влада да продолжи со активностите од европската агенда. На средбите е потврдена поддршката за европската интеграција на Република Македонија.