Руски хакер под прекарот Кирил успеал на црниот пазар да продаде лични податоци на околу 700 илјади корисници на мрежата за социјална комуникација „Фејсбук“.

Информацијата за продадените податоци ја соопштија експертите од компанијата „ВериСајн ајДифенс“, специјализирана за интернет безбедноста, кои наведоа дека податоците од илјада сметки се продадени по цена меѓу 25 и 45 долари, што е далеку под важечката цена на црниот пазар.

Купувачите на тие податоци се исто така пирати или криминални организации, кои ќе ги искористат за вметнување на штетни програми во компјутерите.