Еден од најпознатите млади виолончелисти на денешницата Јоханес Мозер вечерва ќе настапи во Скопје, придружуван од Македонската филхармонија.
На концертот во Домот на АРМ (20.00 часот) ќе бидат изведени дело на Роберт Шуман Концерт за виолончело и оркестар а-мол и за прв пат во Македонија концертот за виолончело и оркестар од Витолд Лутославски, сложена музичка партитура, на еден од најзначајните современи концерти за виолончело и оркестар во 20 век.
Вечерашниот концерт се организира во соработка со Амбасадата на Полска.