Затворање на голем број училишта и проблеми во сообраќајот предизвикаа обилните врнежи од снег во БиХ, каде наместа снежната покривка изнесува над еден метар.
Најтешка е ссстојбата во југозападните делови на Босна и Херцеговина (БиХ) каде е прекината наставата во основните и средните училишта.
Локалните медиуми, како што пренесува еРепортер, јавија дека интензивните снежни врнежи што почнаа изутрината формирале снежна покривка од 50 сантиметри, а на некои места и над еден метар.
Метеоролозите најавија дека снежнните врнежи ќе продолжат до крајот наденот.
Обилни снежни врнежи претпладнево се регистрирани и во делови на Хрватска, а силна бура ја зафати Далмација каде има големо доцнење во автобускиот сообраќај.