Лос Анџелес, 11 февруари - На почетокот од судењето на лекарот на Мајкл Џексон објавен е извештај од обдукцијата во кој се вели дека на телтоо на пејачот имало 38 повреди од кои 13 од убоди на игла.

Видливи се убодите на вратот, нозете и рацете, се вели во извештајот. Инекциите на Џексон му ги ставал лекарот Конрад Мареј кој на суд се изјасни дека не е виновен за смртта на пејачот.

Во обвинението, Мареј се товари дека ја предизвикал смртта на Мајкл Џексон препишувајќи му преголема доза на анестетикот пропофол. Мареј ќе се брани од слобода бидејќи плати кауција од 50.000 долари.