Фолк-ѕвездата Лепа Брена ја прекина соработката со познатиот композитор и продуцент Александар Милиќ-Мили. Наместо Мили, за кариерата на Брена во иднина ќе се грижи Зоран Чаушевиќ-Кики, сопруг на познатата српска виолинистка Тијана Милошевиќ, а истовремено тој ќе биде и нов шеф на бендот на Брена.
- Повеќе не соработувам со Брена затоа што не успеавме да воспоставиме деловна политика. Ако нешто не може да се договори, тогаш е подобро да не се продолжува со работа и за џабе да не се расипуваат пријателските односи. Овој пат не пресудија само парите за прекинување на соработката, туку и нешто посериозно - рекол Мили, не откривајќи до крај за што станува збор.