Дорис, одувек је срцу памет била непозната!

А мори Дорис, ти ко Латас наш - ќе тужам, па ќе тужам...
Џоле наш е голем маж, тој нема да ти се извини и едно око да ти извадил, а не што рекол дека од тебе добил информации оти Македонија во 1995 година ја отфрлила понудата на меѓународната заедница да почне преговори за членство во НАТО и во ЕУ под привремената референца.
Знаеш, драга Дорис, нашиве властодршци се големи сонувачи кои ги остваруваат своите соништа. Затоа не прават разлика меѓу сонот и јавето. Ете, на Грујо му се сони црква на плоштад и оп - црква ќе се гради! Можеби и Ѓоле сонил дека сте правеле муабет во некој ров во Сребреница и оп - нашето надалеку прочуено истражувачко
новинарство од тоа ќе создаде реалност.
Од друга страна, не сум сигурен, лута Дорис, дека и тебе може да ти се верува. Не велам дека лажеш кога велиш дека никогаш не си се сретнала со нашиот претседател. А помисли малку, ти можеби и си го сретнала, ама од кај да знаеш дека човекот е претседател? Може си рекла, што убав шофер е оној фраерон? Знаеш колку луѓе во Македонија не знаат дека Џоле е претседател? Во земја во која претседател на куќен совет е фирма, што е важно кој е претседател на државата?
И не те злоупотребува Џоле, моме Дорис. Он сака да те употреби, за нашата кауза. А ти, одма да тужиш. Срам да ти е!